वीरेन्द्र श्रेष्ठ (सिड्नी)
सिड्नीमा आयोजना गरिएको तृत्पी फाउन्डेशन भलिबल प्रतियोगिताको उपाधि जलजला टिमले जितेको छ । आइतबार स्थानीय म्यारिकभिलमा आयोजना गरिएको प्रतियोगितामा ६ टिमको सहभागिता थियो । ६ टिममध्ये फाईनलमा जलजला टिम र बागलुंग समाजको टोली पुगेको थियो । बागलुंग समाजलाई जलजलाले २४ २५, २२ २५, १४ १६ अंककाक साथ पराजित गरेको हो । म्याग्दी सेवा समितिले आयोजना गरेको न्यूसाउथवेल्स राज्यव्यापी प्रतिस्पर्धाको यो दोश्रो संस्करण हो । यसअघि २०१५ बाट प्रतियोगिता सुरु गरिएको थियो । मुख्यतः नेपाली समूदायमा खेलको माध्यमबाट एकता ल्याउन र स्वास्थ्यप्रति सचेत बनाउने उद्देश्यले प्रतियोगिता आयोजना गरिएको म्याग्दी सेवा समितिका अध्यक्ष हरि राम्जालीले जानकारी दिनुभयो । उहाँले आगामी दिनमा पनि प्रतियोगितालाई निरन्तरता दिँदै अष्ट्रेलियाव्यापी प्रतिष्ठित प्रतियोगिता बनाउन प्रयास गरिने बताउनुभयो । विजयी टिमलाई शिल्ड, प्रमाणपत्र प्रदान गरिएको थियो ।