ललित स्मृति अन्डर–१८ को उपाधि आर्मीलाई
ललितपुरमा सम्पन्न ललित स्मृति यु–१८ फुटबल प्रतियोगिताको उपाधि त्रिभुव आर्मी क्लबले जितेको छ ।
एन्फा कम्प्लेक्स सातदोबाटोमा भएको फाइनलमा लुम्बिनीलाई टाइ ब्रेकरमा हराउँदै आर्मीले उपाधि रक्षा गरेको हो ।
निर्धारित समयसम्म १–१ गोलको बराबरी भएपछि खेल टाइब्रेकरमा धकेलिएको थियो । टाइब्रेकरमा आर्मी ३–१ ले विजयी भयो ।
लुम्बिनीले खेलको छैठौ मिनेटमा जानोम मान लिगलले गोल गर्दै टिमलाई अग्रता दिलाएका थिए । कर्नर बलमा हेड गर्दै उनले सुन्दर गोल गरे ।
पहिलो हाफसम्म अग्रता लिएको लुम्बिनीमाथि आर्मीका प्रेजेन तामाङले ७५ औं मिनेटमा गोल गर्दै खेल बराबरीमा ल्याए । त्यसपछि दुवै टोलीका तर्फबाट कुनै गोल भएनन् र खेल टाइब्रेकरमा धकेलिएको थियो ।
