भारतको सिमलामा एकै परिवारका पाँच नेपालीको मृत्यु
भारतको सिमलामा एकै परिवारका पाँच नेपालीको मृत्यु भएको छ । हिमाञ्चल प्रदेशमा आएको बाढीमा परी अर्का एक जना घाइते भएका छन् ।
हिमाञ्चल प्रदेशमा पर्ने सिमलाको बन्द्राली गाउँमा भीषण पानी परेको र पहिरोमा पुरिएर एकै परिवारका पाँच नेपालीको मृत्यु भएको इण्डो एसियन न्यूज सर्भिसले जनाएको छ ।
मृत्यु हुनेमा नेपाली नागरिक लछिराम, उनकी श्रीमती र तीन जना बच्चा रहेको समाचारमा उल्लेख छ । तर, उनीहरुको नेपालको ठेगाना भने उल्लेख छैन ।
लछिराम परिवारका सदस्यसहित अस्थायी टहरोमा त्यहाँ बस्दथे र स्याउको बगैंचामा काम गर्दथे । अविरल वर्षा र पहिरोले स्याउ बगैंचा ध्वस्त भएको छ ।
