स्क्वासका हस्ती हिराबहादुर थापाबाट संन्यासको घोषणा
नेपाली स्क्वासका हस्ती खेलाडी हिराबहादुर थापाले संन्यासको घोषणा गरेका छन् ।
चौथो सिभिल बैंक खुला स्क्वास च्याम्पियनसिपको समापन समारोहमा हीराले २७ वर्षे खेलाडी जीवनबाट संन्यास लिने घोषणा गरेका हुन् ।
२०४६ सालमा खेलाडी जीवनमा पाइला टेकेका थापाले लगातार १७ वर्ष राष्ट्रिय च्याम्पियन्सीप जितेर दुर्लभ कीर्तिमान बनाएका छन् । सन् १९९४ देखि २०१० सम्मको सो अवधिमा हीरा एक खेलमा पनि पराजित भएनन् । आफ्नो खेल करियरमा हीराले १७ एकल उपाधि जिते भने १ टिम इभेन्टमा स्वर्ण जितेका छन् ।
नवौंदेखि लगातार चार दक्षिण एसियाली खेलकुद (साग) मा सहभागिता जनाएका हीराले ९ औं सागको पुरुष टिम इभेन्टमा कांस्य जितेका थिए ।
