तास खेलिरहेको अवस्थामा हुलाकका हाकिमसहित सरकारी कर्मचारीहरु पक्राउ
तास खेलिरहेको अवस्थामा प्रहरीले जिल्ला हुलाक कार्यालय रामेछापका प्रमुख इश्वरीप्रसाद सुवेदीलाई पक्राउ गरेको छ ।
शनिबार दिउँसो तास खेलिरहेको अवस्थामा प्रहरीले सुवेदीलाई पक्राउ गरेको हो । त्यसैगरी जिल्ला प्रशासन कार्यालयका नायब सुब्बा माधव सुवेदी र मालपोत कार्यालयका नायब सुब्बा दामोदर सुवेदी, स्थानीय वाशु सुवेदी, दिनेश सुवेदी र हरिकृष्ण थापालाई पनि प्रहरीले पक्राउ गरेको छ । पक्राउ परेकाहरुलाई दिनभर प्रहरी हिरासतमा राखि साँझ रामेछापका प्रमुख जिल्ला अधिकारी प्रकाशचन्द अधिकारीको निर्देशनमा प्रहरीले छाडेको छ ।
पक्राउ परेकाहरुलाई अबदेखि जुवा तास नखेल्ने सर्तमा छाडिएको रामेछाप प्रहरीले जनाएको छ ।
