सिड्नीस्थित एक फाष्टफुड चेनबाट दुई नेपाली युवा पक्राउ परेका छन् । एक युवतीलाई कुटपिट गरेको आरोपमा उनीहरु पक्राउ परेका हुन् । यसरी पक्राउ पर्नेमा पवन श्रेष्ठ र नोर्बु शेर्पा रहेको स्थानीय सञ्चारमाध्यमले जनाएका छन् । रेष्टुरेन्टमा खानका लागि पुगेका नोर्बु शेर्पाले उनीहरुजस्तै त्यहाँ पुगेकी एक युवतीलाई अचानक मुक्का हानेको र त्यसको प्रतिवाद गर्दै युवतीका केटासाथीले दुबैलाई कुटेका थिए । भिडियोमा नोर्बु शेर्पा रगताम्ये देखिन्छन् । तर, उनी त्यतिमै रोकिँदैनन् । उनी फेरि झगडा गर्न सुरु गर्छन् र पवन पनि संलग्न भएको भिडियोमा देखिएको छ । उक्त फाष्टफुड रेष्टुरेन्टमा उपस्थित भएका व्यक्तिहरु र कर्मचारीले झगडा रोक्न खोजेपनि साम्य पार्न नसकेपछि प्रहरी तत्कालै घटनास्थलमा उपस्थित भएको थियो । प्रहरीले नोर्बुलाई पक्राउ गरेपनि पवन भने भाग्ने कोसिस गर्दागर्दै समातिएका छन् । प्रहरीले सोधपुछपछि जमानतमा रिहा गरेपनि आगामी फेब्रुअरीमा उनीहरुले अदालतमा उपस्थित हुनुपर्नेछ । साथै, उनीहरुको पासपोर्ट प्रहरीले जफत गरेको छ । दुबैजना पर्यटक भिसामा आएको प्रहरीले जनाएको छ ।