फुटबल फेडरेसन फुटबल अष्ट्रेलिया कपको फाईनल खेल आगामी ३० अक्टोबरमा आयोजना हुँदैछ । त्यसअघि लामो समयसम्म चलेको प्रतियोगिताका क्रममा भएका गोलमध्ये उत्कृष्ट गोलहरुमध्ये पनि दर्शकहरुको छनोटका आधारमा सर्वोत्कृष्ट गोलको छनोट गर्नका लागि भोटिंग भइरहेको छ । अष्ट्रेलियाको फुटबल ईतिहासमै पहिलो पटक नेपाली फुटबलर पनि यो उत्कृष्ट गोलकर्ताको सूचिमा परेका छन् । उनी हुन् सुलभ मास्के । सुलभसहित १० जना खलाडीहरुले यो प्रतियोगितामा गरेको गोलहरु यो सूचिमा समावेश छन् । एकपटक गोल हेरौं अनि यो लिंकमा गएर भोट गरौं । सुलभलाई पहिलो पटक उत्कृष्ट गोलकर्ताको सूचिमा लैजाने यो प्रयासमा तपाईंको साथ अविस्मरणीय बन्नेछ । यसअघि सुलभ मास्के नर्दन टेरेटोरीको प्रिमियर लिगमा सबैभन्दा बढी गोलकर्ताको उपाधि जित्न सफल भइसकेका छन् । उनले एकै प्रतियोगितामा १९ गोल गरेका थिए ।

To Vote Follow this link : https://www.theffacup.com.au/news/vote-now-ffa-cup-2018-goal-year-0