कुनै प्रमाणविना र हावादारी न्यूज लेखेर अनलाईनको विजनेस चलाइरहेका एक पत्रकारलाई नेपालमा प्रहरीले पक्राउ गरेको छ । महानगरीय प्रहरी अपराध अनुसन्धान महाशाखाको टोलीले पोष्टपाटी नामक अनलाईनका सम्पादक गोपाल चन्दलाई पक्राउ गरेको हो । उनले प्रचण्डमाथि चितवनमा खुकुरी प्रहार भएको भनेर न्यूज लेखेका थिए । प्रचण्ड चितवन भ्रमणमा रहेको बेला आएको यस्तो न्यूजले सनसनी मच्चाएको थियो । समाचारको कुनै श्रोत थिएन । न त यो साँचो नै थियो । मात्र केही क्लीकका लागि यस्तो न्यूज लेख्ने क्रम बढेपछि प्रहरीले कारवाही अगाडि बढाएको हो निजलाई विद्युतीय कारोबार ऐन अन्तर्गत कारवाही गर्ने तयारी भएको छ । उनले अरुको न्यूज साभार गरेको बताएका छन् । तर, प्रहरीले थप अनुसन्धानपछि मात्रै यथार्थ खुल्ने जानकारी दिएको छ । यसैबीच, प्रहरीले छदम नाममा विभिन्न अनलाईन सञ्चालन गरी राजनीतिक नेतृत्व, देशको अखण्डता, सामाजिक सद्भावलाई खल्बल्याउन खोज्नेहरुको खोजी अगाडि बढाएको जनाएको छ ।