झूटो आश्वासन दिँदै नेताले गरे पटकपटक बलात्कार

नेता, प्रशासक, कर्मचारी खासमा जनताका रक्षक हुन् । यिनैलाई विश्वास मानेर सर्वसाधारण विभिन्न अवस्थामा उनीहरुको शरणमा पुग्छन् । दुर्भाग्य यिनैले बदमासी गर्दा कसको के लाग्छ ।
यस्तै भयो, सप्तरीवासी एक पीडित महिलालाई । केही समयदेखि ती महिलाका पति कारागारमा जेल सजाय भोगिरहेका थिए । तर यही बेला एक जिल्लास्तरीय नेता उनबाट नाजायज फाइदा लिन पछि परेन ।
ती पीडित महिलाका श्रीमानलाई कारागारबाट छुटाउँछु भन्दै लाखौँ रुपैयाँ ठगी लियो र सँग उनको इज्जतसमेत लुट्यो । यो हर्कत गर्ने नेता राजपा नेपाल सप्तरी जिल्ला कोषाध्यक्ष छिन्नमस्ता–५ लोखरमका मनोजकुमार मेहता । पीडित महिलाको जाहेरीका आधारमा मेहता अहिले प्रहरीले बलात्कार आरोपमा पक्राउ गरेको जिल्ला प्रहरी कार्यालय सप्तरीले जनाएको छ ।
प्रहरीका अनुसार आइतबार पक्राउ परेका मेहताविरुद्ध बलात्कार तथा ठगी मुद्दा दर्ता गरी कारबाही प्रक्रिया अघि बढाएको छ ।
राजविराज कारागारमा थुनामा रहेका पीडितका श्रीमानलाई छुटाउने झूटो आश्वासन दिँदै अभियुक्त मेहताले पटकपटक गरी साढे दश लाख रुपैयाँ लिनुका साथै बलात्कारसमेत गरेको पीडितको जाहेरीमा भनिएको छ ।