एजुकेशन र माईग्रेसनको क्षेत्रमा क्रियाशील ग्रेस एजुकेशनले आफ्नो सेवा लिएका विद्यार्थीले हासिल गरेको शैक्षिक उपलब्धीमा सम्मान गरेको छ । बिहीबार कोबर्ग लेक पार्कमा आयोजना गरिएको बार्बिक्यू कार्यक्रममा चिसहोल्म ईन्स्टीच्युटमा सर्वोत्कृष्ट अंकसहित छात्रवृत्ति पाएको अवसरमा सम्मान गरेको हो । एनआरएन अष्ट्रेलियाका अध्यक्ष टोनु घोतानेले विद्यार्थी रिना कार्कीलाई प्रमाणपत्रसहित सम्मान गरेका थिए । कार्कीले ग्रैटर डेन्डिनंग काउन्सिलको तर्फबाट युथ ईन्टरप्राईज एवार्ड पनि जितेकी थिइन् । उक्त अवसरमा मेलबर्नमा रहेको नेपाली समूदायका अगुवाहरुको उपस्थिति रहेको थियो । एन्ज्याक डेको अवसर समेत परेका कारण धेरैजनाको सहभागितामा कार्यक्रम सफलतापूर्वक सम्पन्न भएको ग्रेस मेलबर्नका दिपक आचार्यले एमएनटीभीलाई बताए । ग्रेस ईन्टरनेशनलकै रामचन्द्र पौडेलले विद्यार्थीहरुको सुख र दुखमा सदैव आफुहरु साथ नै रहेको भन्ने सन्देश यसले दिने बताए । उनले भने, समूदायको उपस्थिति, साथ र सहयोगले हामीलाई अझ बढी ऊर्जा थपेको छ ।