निर्देशक मिलन चाम्सलाई पनि कोरोना संक्रमण पुष्टी !
काठमाडौं । नेपाली चलचित्र क्षेत्रका चल्तीका निर्देशक मिलन चाम्सलाई पनि कोभिड १९, कोरोना संक्रमण भएको छ ।
निर्देशक चाम्स आफ्नो ड्रिम प्रोजेक्ट चलचित्र गोरखा वारियर कोरोनाका कारण भएको लकडाउनले गर्दा रोकिएपछि नायिका साम्राज्ञी शाहलाई लिएर अर्को चलचित्र गर्ने तयारीमा रहेका बेला उनलाई कोरोना लागेको छ । उनी हाल सेल्फ आइसोलेसनमा बसिरहेका छन् ।
चलचित्रका लागि लोकेशन हेर्न नेपालका केही जिल्लामा पुगेका उनले चलचित्र रोकिएपछि एक दर्जन भन्दा बढी म्युजिक भिडियोको निर्देशन गर्न भ्याए । उनी द्वारा निर्देशन गरिएको दशैँ तिहार बोलको गीत केही दिन अगि मात्र रिलिज गरिएको थियो।
