एउटै खेलमा आयाक्सले गर्याे १३ गाेल, ट्राओरेकाे नाममा ५ गाेल
काठमाडाैँ । नेदरल्याण्काे शिर्ष लिग एरिडिभिसमा आयाक्सले कीर्तिमानी जीत हात पारेकाे छ । गएराति भएकाे खेलमा डिफेण्डिङ च्याम्पियन आयाक्सले भिभिभि भेन्लाेमाथि १३–० गाेलकाे कीर्तिमानी जित दर्ता गरेकाे हाे ।
उक्त खेलमा आयाक्सले सुरुवाति १२ मिनेटमा नै अग्रता लिएकाे थियाे । खेलकाे १२ औ मिनेटमा याेर्गेन इक्केलान्पले गाेल गरेका थिए । उनले खेलमा जम्मा २ गाेल गरेका थिए ।
आयाक्सका लागि लासिन ट्राओरेले पाँच गाेल गरेका थिए । त्यस्तै, क्लास जान हन्टेलरले २ गाेल गर्दा डुसान टाडिच, एन्थाेनी, डेली ब्लाइन्ड र लिसान्ड्राे मार्टिनेजले एक एक गाेल गरेका थिए ।
