एजेन्सी । कैयौँ बलिउड फिल्म र टिभी सिरियल्समा काम गरिसकेकी अभिनेत्री माल्वी मल्होत्रामाथि छुरा प्रहार भएको छ । उनको पेटमा छुरा प्रहार गरेको भारतीय सञ्चारमाध्यामले जनाएका छन् । पेटमा छुरा हानिसकेपछि ती व्यक्तिले माल्वीको अनुहारमा पनि आक्रमण गर्ने प्रयास गरेका थिए ।

माल्वीले अनुहार हातले ढाकेर बचाउने प्रयास गर्दा उनका दुवै हातमा पनि गम्भीर चोट लागेको छ । उनलाई ३ ठाउँमा गम्भीर चोट लागेको बताइउको छ । उनलाई अहिले अम्बानी अस्पतालमा भर्ना गरी उपचार भइरहेको समाचारमा जनाइएको छ ।

माल्वीले कलर्स च्यानलबाट प्रसारण हुने चर्चित शो उडानमा काम गरेकी छिन् । उनले हिन्दी फिल्म होटल मिलनसहित कैयौं दक्षिण भारतीय फिल्ममा पनि काम गरेकी छिन् । आक्रमणकारीको पहिचान भइसकेको छैन । आक्रमणकारीको खोजी भइरहेको छ । आक्रमण किन गरियो भन्ने पनि अहिलेसम्म प्रस्ट हुन भैनसकेको प्रहरी अधिकारीले बताएका छन् ।