आफू १४ वर्षको हुँदा चिनजानकै व्यक्तिबाट याैन शोषण भएको अमिर खानकी छोरीको खुलासा
एजेन्सी । डिप्रेशनमा रहेकी भारतीय सुपरस्टार अमिर खानकी छोरीले आफू १४ वर्षको हुँदा याैन शोषणमा परेको खुलासा गरेकी छिन् ।
खानकी छोरी इराले इन्स्टाग्राममा भिडियो सार्वजनिक गर्दै आफू १४ वर्षको हुँदा चिनजानकै एक व्यक्तिले बारम्बार यौन शोषण गरेको खुलासा गरेकी हुन् ।
उनले सार्वजनिक गरेको भिडियोमा त्यो घटना जीवनको सबैभन्दा पीडादायक घटना भएको उल्लेख गरिकी छन् । ‘म भर्खर १४ वर्षकी थिएँ, ममाथि यौन दुर्व्यवहार गरिएको थियो, मलाई नै थाहा थिएन कि ममाथि के भइरहेको छ? तर जसले मलाई त्यस्तो व्यवहार गरिरहेको थियो, त्यो चिनजानकै व्यक्ति थियो।’ उनले भिडियोमा भनेकी छन् ।
अमिर खानकी छोरी इरा खानले अक्टोबर १० मा आफू डिप्रेसनमा रहेको खुलासा गरेकी थिइन् ।
