एजेन्सी । भारतीय टेलिभिजन शो ‘बिग बोस’मा स्टेज अगाडी नै दुर्घटना भएको छ । सेटकै अगाडि भएको दुर्घटनामा बिग बोसकी ट्यालेन्ट म्यानेजर पिस्ता धाकडको मृत्यु समेत भएको छ ।

सलमान खानसँग शुक्रबार राती विकेण्ड का वार सुटिङ सकेर एक्टिभा स्कुटरमा घर जान लाग्दा पिस्ता दुर्घटनामा परिन् । उक्त दुर्घटनामा घाइते भएकी पिस्ताको उपचारका क्रममा मृत्यु भयो ।

अध्याँरोको कारण बाटोमा भएको खाल्डो राम्रोसँग नदेखेर उनको स्कुटर चिप्लिएर लडेको थियो । उनी लडेपछि आउँदै गरेको भ्यानिटि भ्यानले पिस्तालाई किचेर अगाडि बढ्यो । सोही घटनामा गम्भीर घाइते भएकी पिस्ताको शनिबार मृत्यु भयो ।

उनको मृत्यु भएपछि बलिउड यतिबेला शोकमा छ । उनले द भ्वाइस, बिग बोस, खतरों के खिलाडी जस्ता चर्चित रियालिटी शोमा काम गरेकी थिइन् ।