एजेन्सी । चाैतर्फी विवाद बढेपछि वेभ सिरिज ‘ताण्डव’का कास्ट एण्ड क्रुले क्षमा मागेका छन् । सोमबार उक्त समूहले सुचना तथा प्रसारण मन्त्रालयले स्पष्टीकरण माग गरेपछि माफी मागेका हुन् ।

उक्त सिरिजमा हिन्दु भगवानको अपमान गरिएको भन्दै विरोध भएको थियो ।

सिरिजका निर्मता तथा निर्देशकले सोमबार साँझ ट्वीटरमा माफी माग्दै विज्ञप्ती जारी गरेका छन् । उनीहरूले ताण्डव एक फिक्सन सिरिज भएका कारण संयोगवस मिल्न गएको प्रष्ट पारेका छन् ।

‘ताण्डव एउटा फिक्सन सिरिज हो । यस सिरिजमा कुनै व्यक्ति, समुदाय, धार्मिक आस्था र जातीप्रति अपमान गर्ने हाम्रो मनसाय छैन ।’ उनीहरूले जारी गरेको स्टेटमेन्टमा भनिएको छ ।

यो सिरिजसँगै अभिनेता सैफ अलि खान, डिम्लप कपाडिया र जीसन अयुवको पनि ठूलो आलोचना भएको थियो ।