एजेन्सी । भारतीय लोकप्रीय टिभि प्रोग्राम ‘द कपिल शर्मा शो’ बन्द हुने भएको छ । प्रशंसकहरुमा ‘द कपिल शर्मा शो’ किन बन्दै हुँदैछ भन्ने जिज्ञासा उब्जेको छ । यो प्रोग्राम फेब्रवरीको अन्तसम्म बन्न हुने भारतीय सञ्चारमाध्यामले जनाएका छन् । शो बन्द हुनुको कारण बारे कपिल शार्माले पनि मुख खोलेका छन् ।

उनले सामाजिक सञ्जाल ट्वीटरमा गरिएको प्रश्नोत्तरमा आफैंले शो बन्द हुन लागेको पुष्टि गरेका छन् । एक प्रशंसकले सोधे, ‘कपिल शर्मा सर, शो अफ एयर किन हुँदैछ ? ’ यसको जवाफमा कपिल शर्माले भने, यो एक छोटो ब्रेक मात्र हो, यो शोले दुई बर्षमै सबैको मन जितेको छ, अब यो नयाँ तरिकाले आउने छ, अहिले म दोस्रो सन्तानको आगमनका बेला आफ्नी श्रीमतीसँग हुनुपर्नेछ ।’

केही दिन अघि कपिल शर्माको कमेडी शो बन्द हुन लागेको खबर आएको थियो । च्यानलको तर्फबाट यसबारे कुनै पुष्टि गरिएको छैन् । मिडिया रिपोर्टका अनुसार, कोरोना माहामारीका कारण टिभि इडस्ट्रीमा ठुलो असर परेको छ । यसकारण कयौँ शो बन्द हुने स्थितीमा छन् त्यो मध्यको ‘द कपिल शर्मा शो’ पनि एक भएको बताइएको छ ।

मिडिया रिपोर्टका अनुसार कोरोना माहामारीपछि प्रत्यक्ष हेर्ने दर्शकको कमिले गर्दा शो बन्द हुन लागेको हो । आर्थिक समस्याका कारण जनाउँदै निर्माता शो बन्द गर्ने निर्णयमा पुगेका छन् । सामान्य अवस्था आएपछि शोलाई सञ्चालन गरिने भारतीय सञ्चारमाध्याम हिन्दुस्तानले जनाएको छ । कोरोनाका कारण लागू भएको लकडाउनपछि जुलाई २०२० मा द कपिल शर्मा शो केही भिन्नतासहित फिर्ता भएको थियो ।