एजेन्सी । भारतीय चर्चित हास्य कलाकार कपिल शर्मालाई पुत्र लाभ भएको छ । कपिलले ट्वीटर मार्फत आफू दोस्रो सन्तानको पिता भएको जानकारी दिएका छन् ।

उनले ट्वीटरमा लेखेका छन्, ‘नमस्कार, हामीलाई पुत्र लाभ भएको छ । भगवानको आर्शिवादले आमा र बच्चा दुवैको स्वास्थ्य अवस्था एकदमै राम्रो छ । तपाईँहरु सबैको माया, आशिर्वादको लागि धन्यवाद । गिन्नी र कपिलको तर्फबाट धेरै माया ।’

केही समय अघि उनले ‘द कपिल शर्मा शो’ बन्द हुने जानकारी गराएका थिए । उनले सामाजिक सञ्जाल ट्वीटरमा अहिले म दोस्रो सन्तानको आगमनका बेला आफ्नी श्रीमतीसँग हुनुपर्ने भएकाले शो बन्द गरेको बताएका थिए । उनले भनेका थिए यो एक छोटो ब्रेक मात्र हो, यो शोले दुई बर्षमै सबैको मन जितेको छ, अब यो नयाँ तरिकाले आउने छ, ।