हार्वर्ड विश्वविद्यालयमा अध्ययनका छनाैट भइन् शृङ्खला खतिवडा
काठमाडाैँ । पूर्व मिस नेपाल शृङ्खला खतिवडा अमेरिकाको हार्वर्ड विश्वविद्यालयमा अध्ययनका लागि छनाैट भएकी छिन् । उनी स्नातकोत्तर(मास्टर्स) तहको अध्ययनका लागि छनाैट भएकी हुन् ।
सामाजिक सञ्जाल इन्स्टाग्राममा उनले हार्वर्डको ग्राजुएट स्कुल अफ डिजाइनमा आफू छनोट भएको जानकारी दिएकी छिन् । उनले हार्वर्डमा शहरी योजना (अर्बन प्लानिङ)मा स्नातकोत्तर गर्नेछिन् ।
उनी इन्जिनियरिङकी विद्यार्थी हुन् । उनले पुल्चोक इन्जिनियरिङ क्याम्पसबाट आर्किटेक्चर विषयमा स्नातक गरेकी छिन् ।
उनी २०१८ मा मिस नेपाल भएकी थिइन् ।
