शिल्पा शेट्टीका पति राज कुन्द्रा पक्राउ !
एजेन्सी । अश्लिल फिल्म बनाएको आरोपमा बलिउड अभिनेत्री शिल्पा शेट्टीका पति राज कुन्द्रा पक्राउ गरिएको छ । भारतका चर्चित व्यावसायी कुन्द्रालाई मुम्बई प्रहरीको क्राइम ब्रान्चले पक्राउ गरेको हो ।
उनीविरुद्ध केही उजुरी परेपछि प्रहरीले उनलाई गिरफ्तार गरेको भारतीय मिडियाले जनाएका छन् । उनले अश्लिल फिल्म बनाउनका लागि केही मोबाइल एप्ससमेत बनाएको आरोप लगाइएको छ । यही मुद्दामा त्यहाँको प्रहरीले अन्य ९ जनालाई पनि पक्राउ गरेको छ ।
