काठमाडौं–८ मा सुमन सायमीलाई पराजित गर्दै घण्टीका विराजभक्त श्रेष्ठ निर्वाचित
मंसिर ७, काठमाडौँ । राष्ट्रिय स्वतन्त्र पार्टीका काठमाडौं क्षेत्र नम्बर ८ का उम्मेदवार विराजभक्त श्रेष्ठ निर्वाचित भएका छन्। उनी १०१०५ मत ल्याएर प्रतिनिधिसभा सदस्यमा विजयी भएका हुन्।
उनीसँग प्रतिस्पर्धामा रहेका हाम्रो नेपाली पार्टीका सुमन सायमीले ५८८९ मत ल्याएका छन्।सत्ता गठबन्धनबाट यो क्षेत्रमा उम्मेदवार बनेका थिए, नेकपा एकीकृत समाजवादीका जीवनराम श्रेष्ठले ४८७७ मत ल्याएका छन्।
२०७४ सालमा जीवनरामले यो क्षेत्रमा जित निकालेका थिए। पार्टी विभाजन भएपछि उनले नेकपा एमाले छाडेर नेकपा एकीकृत समाजवादी रोजेका थिए ।
