मेलबर्नको एक घरमा खस्यो हेलिकप्टर
मंसिर १४, मेलबर्न अष्ट्रेलिया । मेलबर्नको एक घरमा हेलिकप्टर खसेको छ। मेलबर्नको दक्षिण-पूर्वी क्षेत्रको एक घरको छानामा हेलिकप्टर खस्दा पाइलट भने बच्न सफल भएका छन्।
बुधबार दिउँसो १ बजे पाइलट घरको छानामा अड्किएपछि उनको उद्धार गर्न आपतकालिन सेवाका सदस्यहरूलाई बोलाइएको थियो। एम्बुलेन्स भिक्टोरियाले उक्त घटनामा परेका पाइलटको अवस्था सामान्य नै भएको बताएका छन्।
दुर्घटनाको समयमा घरमा कोही थिएनन् र सानो हेलिकप्टर भित्र पाइलट मात्र सवार थिए। क्रेनको सहायताले दुर्घटनामा परेका व्यक्तिको उद्दार गरिएको थियो।
प्रहरीले यस घटनाको अनुसन्धान गरिरहेको छ।
