मंसिर १९, मेलबर्न अष्ट्रेलिया । मेलबर्नका एक युवकको चक्कु प्रहार गरी हत्या गरिएको छ। मेलबर्नको पायर रोडमा भएको विवाद मारामारीमा परिणत हुँदा चक्कु प्रहार गरी १८ वर्षीय युवकको हत्या गरिएको हो।

चक्कु प्रहारबाट मृत्यु हुनेमा टार्निटका युवक रहेका छन्। आइतबार साँझ ७ः ५० बजे पायर रोडमा प्रहरीलाई बोलाइएको थियो।

व्यस्त सडकै चक्कु प्रहार भएका कारण प्रत्यक्षदर्शीले ती युवकलाई बचाउन प्रयास गरेका थिए। तर, शख्त घाइते भएका उनको अस्पतालमा उपचारका क्रममा मृत्यु भएको छ।

प्रारम्भिक अनुसन्धानबाट ५/६ जना अफ्रिकन मानिसहरूको संलग्नतामा यो घटना भएको प्रहरीले बताएको छ। सिसिटिभी फुटेजहरू हेरेर घटनामा संलग्न भएकाहरू पहिचान गर्नेमा प्रहरी विश्वस्त देखिएको छ।

यस घटनाको बारेमा जानकारी भएका व्यक्तिहरूलाई 1800 333 000 मा सम्पर्क गर्न अनुरोध पनि गरिएको छ।