पुस १२, मेलबर्न अष्ट्रलिया । अष्ट्रेलियाका क्रिसमसको दिनदेखि एक परिवार सम्पर्क विहिन भएको छ। क्रिसमसको दिन बेपत्ता भएको पश्चिमी अस्ट्रेलियाली परिवारको चिन्ता बढ्दै गएको छ।

२५ वर्षका सिन्डी ब्राडक र २८ वर्षका ज्याक डे अन्तिम पटक आइतवार १ बजे आफ्ना तीन बच्चाहरूसँग नर्थमबाट बाहिरिएको देखिएको थियो। त्यसपछि उनिहरू बेपत्ता भएको बताइएको छ।

परिवार सहितको 9AD934 नम्बरप्लेट भएको मरुन ल्याण्ड रोभर डिस्कभरीमा कोन्डिनिन तर्फ जाँदै गरेको प्रहरीले अनुमान गरेको छ। उनीहरुका तीनै सन्तान पाँच वर्ष मुनिका छन्।

ब्राडडकलाई पातलो शरीर, खैरो र गुलाबी रंगको कपाल, हेजल आँखा र लगभग १६५ सेमी अग्लोको रूपमा वर्णन गरिएको छ। त्यस्तै, डे भने पातलो शरीर, सुनौलो कपाल तथा निलो आँखा र १८० सेमि अग्लो भएको रूपमा वर्णन गरिएको छ।

परिवारको ठेगाना बारे जानकारी भएमा तुरुन्तै 131 444 मा पुलिसलाई सम्पर्क गर्न अनुरोध गरिएको छ।