एडिलेडको एक घरमा ६ पटक गोली प्रहार
चैत २७, मेलबर्न, अष्ट्रेलिया। एडिलेडको एक घरमा गोली प्रहार भएको छ। घटनास्थलमा पुगेको प्रहरीले यो लक्षित प्रहार भएको हुनसक्ने अनुमान गरेको छ।
बन्दुकको आवाजले छिमेकीहरू त्रसित भएपछि सोमबार बिहान पारालोवीको बोगार्ट ड्राइभमा आपतकालीन सेवाहरू बोलाइएको थियो।
प्रहरीले घरको नाली र रोलरको ढोकामा ६ पटक गोली प्रहार गरेको फेला पारेको छ।
साउथ अष्ट्रेलियन प्रहरीले दिएको जानकारी अनुसार उक्त घटनाबाट कोही घाइते भएका छैनन् । एक विशेषज्ञ टोलीबाट घटनाको अनुसन्धान भइरहेको जानकारी दिइएको छ।
