भिक्टोरियामा दुई कार र ट्रक एक आपसमा ठोक्किँदा तीन जनाको घटनास्थलमै मृत्यु
वैशाख ८, मेलबर्न, अष्ट्रेलिया । भिक्टोरियाको उत्तरी क्षेत्रमा दुई कार र ट्रक एक आपसमा ठोक्किँदा तीन जनाको मृत्यु भएको छ।
बिहीबार दिउँसो २.३० बजेभन्दा अगाडि कोब्रामबाट १८ किलोमिटर पश्चिममा रहेको स्ट्राथमेर्टनको मुर्रे भ्याली ह्वी र लाबुआन आरडीको इन्टरसेक्शनमा दुर्घटना भएको हो।
सनाखत हुन नसकेको तीन जनाको घटनास्थलमै मृत्यु भएको छ।
एम्बुलेन्स भिक्टोरियाका अनुसार अन्य तीन जनालाई घाइते अवस्थामा उपचारका लागि गोलबर्न भ्याली अस्पतालमा लगिएको छ। घटनामा ट्रकका चालक भने घाइते नभएको बताइएको छ।
घटनास्थलमा मेजर कोलिजन इन्भेस्टिगेशन युनिट डिटेक्टिभहरूले अनुसन्धान गरेका छन्।
