क्विन्सल्याण्डमा प्रहरीले चलाएको गोली लागेर एक जनाको मृत्यु
वैशाख ८, मेलबर्न, अष्ट्रेलिया । क्विन्सल्याण्डमा प्रहरीले एक जनामाथि गोली चलाएको छ। क्विन्सल्याण्डको टाउन्सभिलमा प्रहरीको गोली लागेर ती व्यक्तिको मृत्यु समेत भएको छ।
बेल एयर एभिन्यु, किरवानमा शुक्रबार साँझ ५ बजे खराब अवस्था भएको भन्दै आपतकालीन सेवाहरूलाई बोलाइएको थियो।
उक्त स्थलमा पुगेको प्रहरीले एक जनामाथि गोली चलाएको बताइएको छ। प्रहरीले चलाएको गोलीले छातीमा लागेर एक जनाको मृत्यु भएको रिपोर्ट गरिएको छ।
गोली लागेर ढलेका व्यक्तिलाई प्रहरीले सिपिआर गरेको थियो। तर, उनको ज्यान बचाउन भने सकिएन।
यस घटनाबारे प्रहरीले थप अनुसन्धान गरिरहेको छ।
