वैशाख १०, मेलबर्न, अष्ट्रेलिया। अष्ट्रेलियाका चर्चित मनोरन्जनकर्ता ब्यारी हम्फ्रिजको निधन भएको छ। हास्य पात्र डेम एडना एभरेजका लागि चर्चित उनको ८९ वर्षको उमेरमा निधन भएको हो।

कमेडियन तथा अभिनेता फेब्रुअरीमा हिपको शल्यक्रियाबाट जटिलता भएपछि सिड्नीको सेन्ट भिन्सेन्ट अस्पतालमा उपचाररत थिए।

‘यो अत्यन्तै दुःखको साथ हामी घोषणा गर्दछौं कि ब्यारी हम्फ्रिजको आज सिड्नी, अष्ट्रेलियामा शान्तिपूर्ण रूपमा निधन भएको छ।’, एक विज्ञप्तिमा भनिएको छ। उनको निधनको समयमा परिवारका सदस्यहरू वरवर नै रहेको बताइएको छ।

हम्फ्रीसको जन्म मेलबर्नको पूर्वको केउमा १७ फेब्रुअरी १९३४ मा आमाबुवा एरिक र लुइसा हम्फ्रिजको घरमा भएको थियो।

सन् १९७० को दशकमा युकेमा हम्फ्रिजको सबैभन्दा चर्चित भएको थियो। १९८० को दशकमा उनले आफ्नै टिभी शो ‘डेम एड्ना एभिरेज एक्पेरियन्स’ सञ्चालन गरेका थिए। सन् १९५९ मा उनी लन्डन गएका थिए।