वैशाख १८, मेलबर्न, अष्ट्रेलिया । ब्रिसबेनमा ड्युटिमै रहेका प्रहरी अधिकारीलाई चक्कु प्रहार गरिएको छ। प्रहरीको गाडीमा नै चढेर एक व्यक्तिले प्रहरीको काँधमा चक्कु प्रहार गरेका हुन् ।

५० वर्षीय बरिष्ठ अधिकारी सोमबार बिहान ९ः ३० बजे मोरेटन बे क्षेत्रको जोन्स सेन्टको घरमा भएको विवादको क्रममा बोलाइएका अफिसरहरूमध्ये एक थिए।

उनीहरुलाई ३० वर्षीय पुरुषले चक्कु प्रहार गरेको प्रहरीले जनाएको छ। उनले प्रहरीको कारमा चढेर पुरुष वरिष्ठ हवल्दारको काँधमा छुरा प्रहार गरेका थिए।

“प्रहरी अधिकारीलाई छुरा प्रहार गर्ने घटना हुनु अघि पुरुष व्यक्तिले प्रहरीको गाडीमा हाम फालेको आरोप लगाइनेछ,” डिटेक्टिभ इन्स्पेक्टर बेन फाडियनले भने।

प्रहरी अधिकारीलाई अस्पताल लगिएको छ। आरोपित आक्रमणकारीलाई नियन्त्रणमा लिइएको छ।

आक्रमण गर्ने व्यक्तिको समेत पेटमा चोट लागेका कारण प्रहरीको रोहबरमा उनको उपचार भइरहेको बताइएको छ।