असार १, मेलबर्न, अष्ट्रेलिया । अष्ट्रेलियाले जासुसीको जोखिम रहेको भन्दै संसद भवन नजिकै नयाँ दूतावास निर्माण गर्न रुसलाई रोक लगाएको छ।

प्रधानमन्त्री एन्थोनी अल्बानीजले खुफिया एजेन्सीहरूले यस कदममा “धेरै स्पष्ट सुरक्षा सल्लाह” दिएका कारण यो कदम चालिएको बताएका छन्।

क्यानबेराको बनिरहेको भवन रोक्ने विभिन्न कानुनी प्रयासहरू असफल भएपछि बिहीबार निर्माण रोक्नका लागि विशेष रूपमा मस्यौदा तयार पारिएको थियो।

क्रेमलिनले अष्ट्रेलियाको यो कदम मित्रवत नरहेको भन्दै भविष्यमा रूसले यसबारे हिसाबकताब गर्ने भनेको छ।

अहिले अष्ट्रेलियाले सामूहिक पश्चिमका देशहरूमा भइरहेको रुसोफोबिक हिस्टेरियालाई पछ्याइरहेको दूतावासका प्रवक्ता दिमित्री पेस्कोभले बताए।

यसअघि एक रुसी कूटनीतिज्ञले एएफपीसँग दूतावासले कानुनी सल्लाह खोजिरहेको बताएका थिए। तर, अष्ट्रेलियाले बिहीबार पास गरेको नयाँ कानूनले रूसले आर्थिक क्षतिपूर्ति समेत दिनुपर्ने खालको बुँदा राखेको छ।

हालको दूतावासलाई द्विपक्षीय समर्थन रहेको नयाँ कानुनले असर नगर्ने जानकारी दिइएको छ।

मस्कोले हाल क्यानबेराको संसद भवनबाट करिब ४०० मिटर (०.२५ माइल) को दूरीमा २००८ मा अधिग्रहण गरेको जग्गा भाडामा लिएको छ।

दूतावासको नयाँ भवनको शिलान्यास भइरहेको भएपनि निर्माणको काम सुस्त गतिमा अघि बढेको छ। तर, अहिले अष्ट्रेलिया र रूसको सम्बन्ध चिसिएको समयमा भवन निर्माण गर्न थालेपछि अष्ट्रेलियाले यसबारे सजकता देखाएको हो।