भिक्टोरियामा कारभित्रै एक जना मृत फेला
असार ३, मेलबर्न, अष्ट्रेलिया । भिक्टोरियाको जिलङ नजिकै भएको सवारी दुर्घटनामा एक जनाको मृत्यु भएको छ।
प्रहरीले शनिबार बिहान ७.०५ बजे बेनकबर्नको क्लाइड हिल रोडको तबेलामा एउटा गाडी भेटिएको जनाएको छ। कार सडकबाट नियन्त्रण गुमाएर रुखमा ठोक्किएको अनुमान गरिएको छ ।
गाडीका चालक रसेल्स ब्रिजका ५० वर्षीय पुरुषको प्रहरी नपुग्दै मृत्यु भइसकेको जानकारी दिइएको छ।
प्रहरीले अझै पनि दुर्घटनाको वास्तविक अवस्थाको बारेमा अनुसन्धान गरिरहेको छ। कसैलाई केहि जानकारी भएमा क्राइम स्टोपरलाई सम्पर्क गर्न आग्रह गरिएको छ।
