जेठ ४, मेलबर्न, अष्ट्रेलिया । अष्ट्रेलियाली रग्बी युनियनका खेलाडी कर्टले बेलले गत वर्ष सिड्नीको एक पबमा एक महिलालाई यौन दुर्व्यवहार गरेको आरोपमा दोषी नभएको बताएका छन्।

बेललाई सहमतिविना यौनसम्पर्क गरेको र दुई जनालाई दुर्व्यवहारपूर्ण तरिकाले छोएको अभियोग लगाइएको थियो।

डिसेम्बरमा पक्राउ परेका ३४ वर्षीय बेललाई रग्बी अष्ट्रेलियाले सबै प्रकारका रग्बीबाट निलम्बन गरेको थियो।

सिड्नीको डाउनिङ सेन्टर स्थानीय अदालतमा हाजिर भएपछि बेलले भने, “आज यहाँ आउनु पर्दा म दुःखी छु। म दोषी छैन। सत्य बाहिर आउनेछ।”

आफ्नो देशका लागि ९५ पटक खेलिसकेका फुलब्याक बेल गत वर्ष फ्रान्सेली टोली रेसिङ ९२ सँग न्यु साउथ वेल्स वाराताह्सबाट खेल्नको लागि अष्ट्रेलिया फर्किएका थिए।

जनवरीमा उनलाई सेप्टेम्बर ८ मा सुरु हुने विश्वकपको लागि ४४ सदस्यीय वाल्याबिज प्रशिक्षण टोलीमा बोलाइएको थियो।