असार ५, मेलबर्न, अष्ट्रेलिया । ब्रिसबेनमा प्रहरीले एक जनामाथि गोली चलाएको छ। ब्रिसबेनको उत्तरी भागमा प्रहरीले चलाएको धेरै गोली लागेर ती व्यक्ति गम्भीर घाइते भएको बताइएको छ।

प्रहरी सोमबार दिउँसो पछि ब्रे पार्कको एक घरमा एक पुरुष र महिला बीचको घरेलु विवादको अवस्था बुझ्न त्यहाँ पुगेको थियो।

प्रहरीले गोली चलाउनुअघि स्थिति झन् चर्किएपछि प्रहरीले स्थिति नियन्त्रणमा लिन गोली चलाएको बताइएको छ। गोलीबारी लगत्तै १२ः ४५ बजे भन्दा पहिले प्यारामेडिकहरूलाई घटनास्थलमा बोलाइएको थियो।

त्यसपछि घाइते व्यक्तिलाई गोली लागेर भएको घाउ उपचार गर्नका लागि रोयल ब्रिस्बेन एण्ड वुमन्स हस्पिटल लगिएको थियो। यद्यपी, अहिले पनि उनको अवस्था गम्भीर भएको जानकारी दिइएको छ।

प्रहरीले उक्त क्षेत्रमा के भएको हो भन्ने बुझ्नका लागि अनुसन्धान सुरू गरिसकेको जानकारी दिएको छ।