असार ५, मेलबर्न, अष्ट्रेलिया । सिड्नीमा एक वृद्ध दम्पतीको घर जलेर नष्ट भएको छ। उनीहरू करीब ४० वर्षदेखि बसिरहेको घर सोमबार जलेर नष्ट भएको हो।

अब,उनीहरूको घरको सम्झना स्वरूप मोबाइलमा जम्मा २ वटा फोटो मात्रै भएको बताइएको छ।

टेरी एण्ड शुल्ट्ज स्ट्रीट्स, बालमेनमा बिहान ७ः ३० बजे आगो नियन्त्रण गर्न दमकललाई बोलाइएको थियो। अग्निनियन्त्रकहरूले आगो नियन्त्रणमा त लिए तर, उनीहरूको घर भने बचाउन सकेनन्।

आगलागी हुँदा छिमेकीका घरहरू तुरुन्तै खाली गरिएको थियो। खाली गरिएका घरमा मानिहरूले उनीहरूको घर पनि जल्ने हो की भन्ने त्रास महशुस गरेको बताएका छन्।

फायर एण्ड रेस्क्युले दिएको जानकारी अनुसार आगो नियन्त्रण चार वटा दमकल र एक हवाई उपकरण तैनाथ गरिएको थियो। उक्त घटनामा कसैलाई पनि चोटपटक नलागेको जानकारी दिइएको छ।