असार १२, मेलबर्न, अष्ट्रेलिया । मेलबर्नको दक्षिणपूर्वमा रहेको वेस्टफिल्ड सपिङ सेन्टरमा १० वर्षीया बालिकामाथि यौन दुर्व्यवहार भएको छ।

आफ्नो परिवार र साथीहरूसँग नारे वारेनको फाउन्टेन गेटमा रहेको पसलमा पुगेकी बालिकालाई एक व्यक्तिले दुर्व्यवहार गरेका हुन्। ती व्यक्तिले बालिकालाई  दुर्व्यवहारपूर्ण तरिकाले समातेको पाइएको छ।

ती बालिकाले यस घटनाबारे उनीसँग रहेका जेष्ठ व्यक्तिमार्फत सपिङ सेन्टरमा खबर गरेको बताइएको छ।

तर, यस घटनामा आरोपी भने अझै पहिचान हुन सकेका छैनन्। सोमबार प्रहरीले एक व्यक्तिको सीसीटीभी फोटो जारी गर्दै उनको खोजी तीव्र पारेको छ।

उनी २० वर्षको भएको अनुमान छ। ककेसियन भनेर वर्णन गरिएका उनी गोरो वर्णका रहेका छन्।

घटनाको समयमा उनले रातो टमी हिलफिगर हुड जम्पर, ट्यान सर्ट्स, कालो बेल्ट, सेतो जम्पर लगाएका थिए।

उक्त व्यक्तिलाई चिन्ने वा केही जानकारी भएमा प्रहरीलाई सम्पर्क गर्न आग्रह गरिएको छ।