असार २४, मेलबर्न, अष्ट्रेलिया । सिड्नीको एक सैलुनमा दिनदहाडै गोली चलेको छ । सिड्नीको इनर वेस्टमा रहेको कपाल सैलुनमा गोली चल्दा २ जना घाइते भएका छन्।

अहिले प्रहरीले यस घटनामा प्रयोग भएको कारको खोजी गरिरहेको बताइएको छ।

आपतकालीन सेवाहरू शुक्रबार दिउँसो २ बजे अघि म्यारिकभिलको मैरिकभिल रोडमा रहेको सैलुनमा घटनाबारे दिँदै बोलाइएको थियो। घटनास्थलमा पुगेको प्रहरीको टोलीले २० र ३३ वर्षका २ पुरूष घाइते अवस्थामा फेला पारेको थियो।

प्रहरीले घाइते भएका २ व्यक्ति दाजुभाइ भएको अनुमान गरेको छ।

उनीहरू दुवैलाई अस्पताल पुर्‍याउनुअघि प्यारामेडिकहरूले उपचार गरेका थिए। छातीमा गोली लागेका २० वर्षीय युवकको अवस्था गम्भीर रहेको प्रहरीले जनाएको छ

छातीमा गोली लागेका ३३ वर्षीय पुरुषको अवस्था स्थिर रहेको जानकारी दिइएको छ।

म्यारिकभिलको नोरवुड लेन र डुलविच हिलको हर्कुलस स्ट्रिटमा दुईवटा कारमा भएको आगलागी गोलीबारीसँग सम्बन्धित रहेको अधिकारीहरूले विश्वास गरेका छन्।