साउन ११, मेलबर्न, अष्ट्रेलिया। दुर्लभ रोग र कमजोर स्वास्थ्य अवस्थाको सामना गरिरहेकी पाकिस्तानकी एक युवतीको अष्ट्रेलियामा जीवन परिवर्तन गर्ने शल्यक्रिया गरिएको छ।

१५ वर्षकी मरियम सलीम नागर सिन्ड्रोम रोग सहित जन्मिएकी थिइन्। यो रोगले विशेषतः अनुहार, बङ्गारा र मुखको विकासलाई असर गर्छ। उनी यसबारे अधिकांश सयम बोल्न समेत डराएकी थिइन्।

मरियमले वर्षौंदेखि चुपचाप पीडा भोगेकी थिइन्। उनका बुबा सलीम अफजलले उनको उपचारका लागि अथक प्रयास गर्दै नवजीवन दिएका छन्।

“उनको आवाज सबैले सुन्न सक्दैन। कसैले पनि उनको आवाज बुझ्न सक्दैन किनभने उनको आवाज धेरै थर्मराएको छ। त्यसैले उनी बोल्न छाडिन्,” उनले भने। ‘यो हाम्रो लागि साँच्चै, साँच्चै गाह्रो समय थियो। तपाईं कल्पना गर्न सक्नुहुन्न।’

परिवारले पाकिस्तानमा उचित स्वास्थ्य सेवा पहुँच गर्न असमर्थ भएपछि मद्दतका लागि अन्यत्र खोजी गरेको थियो।

अफजलले भने, “मेरो देशमा यस्तो प्रकारको हेरचाह गर्ने सुविधा थिएन। मैले यो कुनै पनि गर्न सकिन। त्यो मेरो लागि साँच्चै अकल्पनीय कुरा थियो।”

मद्दतको लागि संसार खोजेपछि उनले एडिलेडमा क्र्यानोफेसियल अष्ट्रेलिया फाउन्डेशन भेट्टाए। शहरको कलवरी अस्पतालका शल्यचिकित्सकहरूको टोलीले मरियमलाई उनको बङ्गारामा चलाउन मद्दत गर्न प्रो-बोनो काम गर्यो।

प्रक्रिया चुनौतीपूर्ण भए पनि सफल भयो। र उनले नयाँ जीवन पाइन्।

उनका डाक्टरहरूले आशा गरेका छन् कि उनी थप शल्यक्रियाहरू गर्नको लागि आगामी केही वर्षहरूमा एडिलेडमा फर्कनेछिन्। क्र्यानोफेसियल अष्ट्रेलियाकी क्रिस्टिना पानागोपौलोसले यस सल्यक्रियाको बारेमा थप प्रष्ट पारेकी छिन्।