साउन ३०, मेलबर्न, अष्ट्रेलिया । न्यु साउथ वेल्समा एक किशोरको छुरा प्रहार गरि हत्या गरिएको  छ । कोफ्स हार्बर नजिकैको कोरिन्डी बीचको प्यासिफिक सेन्टमा साँझ ५.४९ बजे एक १६ वर्षीय किशोरको तिघ्रामा छुरा प्रहार भएको थियो।

घटनास्थलमा प्यारामेडिक नपुगेसम्म उनको प्रहरीले उपचार गरेको थियो। त्यहाँबाट उक्त किशोरलाई कोफ्स हार्बर स्वास्थ्य क्याम्पसमा लगिएको थियो तर केही समय पछि चिकित्सकले मृत घोषित गरे।

स्थनीय रोबर्ट रोबर्टसनले सडकमा एक घाइते व्यक्ति देखेपछि कारले ठक्कर दिएको अनुमान गर्दै प्रहरीलाई खबर गरेका थिए।

११ वर्षदेखि यस क्षेत्रमा बसोबास गर्ने रोबर्टसनले किशोरको मृत्यु भएको सुन्नु भयानक भएको बताएका छन्। उनले आफ्ना बालबालिकाको सुरक्षाका लागि थप सावधानी अपनाउने समेत बताए। रोबर्टसनका छोराले समुदाय स्तब्ध भएको बताए।

एक १७ वर्षीय किशोरलाई छुरा प्रहार गरी हत्याको आरोप लगाइएको छ।

यस अनुसन्धान जारी रहेको । जानकारी भएको जो कोहीलाई क्राइम स्टपरसँग सम्पर्क गर्न आग्रह गरिएको छ।