महिला विश्वकप फुटबलमा स्विडेन तेश्रो, अष्ट्रेलिया २-० गोलले पराजित
भदाै २, मेलबर्न, अष्ट्रेलिया । स्विडेन फिफा महिला विश्वकप फुटबलमा तेस्रो भएको छ । तेस्रो स्थानका लागि शनिबार भएको खेलमा स्विडेनले अष्ट्रेलियालाई २–० गोलले हरायो ।
स्विडेनको जितमा फ्रिडोलिना रोल्फोले ३०औँ मिनेटमा पेनाल्टीमार्फत गोलको खाता खोलिन् । दोस्रो गोल ६२औँ मिनेटमा कोसोभ्रे असलनीले ६२औँ मिनेटमा गोल गरिन् ।
मध्यभागमा औसत बल पोसेसन राखेपनि अष्ट्रेलियाको गोल फर्काउने प्रयास सफल भएन । स्विडेन सेमिफाइनलमा स्पेनसँग २–१ गोलले पराजित भएको थियो ।
अष्ट्रेलिया भने इङ्गल्यान्डसँग ३–१ गोलले पराजित भएको थियो । विश्वकप उपाधिका लागि आइतबार इङ्गल्यान्ड र स्पेनबिच प्रतिस्पर्धा हुनेछ ।
