न्यू साउथ वेल्सको घरमा एक व्यक्ति मृत फेला, करेन्ट लागेको हुनसक्ने प्रारम्भिक अनुमान
१५ भदाै, मेलबर्न, अष्ट्रेलिया । न्यू साउथ वेल्सको साउथ कोस्टको एक घरमा एक व्यक्ति मृत फेला परेका छन्।
बिहीबार बेलुका ८ बजेपछि नोभेरा नजिकै ल्याकरस्टिन सेन्ट, कलला बेमा रहेको एउटा घरमा प्रहरी बोलाइएको थियो। प्रहरीले उक्त घरमा खोजतलासी गर्दा एक व्यक्ति मृत फेला पारेको थियो।
५३ वर्षीय वृद्धलाई घरबाट निकालिएको थियो र प्यारामेडिकहरूले उनलाई घटनास्थलमै मृत घोषणा गरेका थिए। प्रहरीले ती व्यक्ति इलेक्ट्रसियन भएको र घरमा काम गरिरहेको हुनसक्ने अनुमान गरेको छ।
प्रहरीले यस घटनाबारे अनुसन्धान गरिरहेको जानकारी दिएको छ। घटनाबारे जानकारी भएमा सम्बन्धित पक्षमा सम्पर्क गर्न प्रहरीले अनुरोध गरेको छ।
