भदौ २३, काठमाडौँ । नेयरमाले पेलेलाई उछिन्दै ब्राजिलको राष्ट्रिय टोलीका लागि सर्वाधिक गोल गर्ने खेलाडी बनेका छन् । विश्वकप छनोट अन्तरगत बोलिभियाविरुद्ध ५–१ को जीत हासिल गर्ने क्रममा दुई गोल गर्ने नेयमारले यो कीर्तिमान बनाएका हुन् ।

नेइमारले ब्राजिलका महान खेलाडी पेलेको किर्तिमान तोडेका हुन्। पेलेले ब्राजिलका लागि ९२ खेलमा ७७ गोल गरेका थिए। उनले ब्राजिलका लागि १९५७ देखि १९७१ सम्म खेलेका थिए।

नेइमारले भने १२५ खेलमा ब्राजिलका लागि ७९ गोल गरेका छन्। त्यस्तै ब्राजिलका लागि रोनाल्डोले ९८ खेलमा ६२ गोल गरेका छन् भने रोमारियोले ७० खेलमा ५५ गोल गरेका छन्।

पेलेको गत डिसेम्बर २९ मा ८२ को वर्षको उमेरमा निधन भइसकेको छ। पेले फाउन्डेसनले उनको कीर्तिमान भंग गरेकोमा नेयमारलाई बधाई दिएको छ।