कोदालो प्रहार गरेर बुवाको हत्या
असोज २१, कञ्चनपुर । कञ्चनपुरका एक युवाले कोदालो प्रहार गरेर बुवाको हत्या गरेका छन् । पुनर्वास नगरपालिका ११ भीम वस्तीका १८ वर्षीय हेमन्त धामीले ४६ वर्षीय बुवा जसवीरको हत्या गरेका हुन्।
हेमन्तको कोदालो प्रहारबाट जसवीरको घटनास्थलमा नै मृत्यु भएको कञ्चनपुर प्रहरीले जानकारी दिएको छ।
जिल्ला प्रहरी कार्यालय कञ्चनपुरका अनुसार घरायसी विवादका कारण उनले बुवामाथि आइतबार बिहान कोदालो प्रहार गरेका हुन्। हेमन्तलाई इलाका प्रहरी कार्यालय त्रिभुवन वस्तीले नियन्त्रणमा लिएको जनाएको छ।
