प्रफुल महर्जनले अष्ट्रेलियाका खेलाडीलाई हराए
कार्तिक १, सिड्नी, अष्ट्रेलिया । अष्ट्रेलियाको सिड्निस्थित ओलम्पिक पार्कमा जारी ‘सिड्नी इन्टरनेसनल’ ब्याडमिन्टन प्रतियोगितामा नेपालका प्रफुल महर्जन अन्तिम ३२मा पुगेका छन् ।
बुधबार भएको अन्तिम ६४ अन्तर्गतको खेलमा अष्ट्रेलियाका ब्रेन्ट गुओलाई सहजै पराजित गर्दै महर्जन अर्को चरणका लागि छनाेट भएका हुन् । उनले गोमाथि २१-११ र २१-१० सोझो सेटको जित निकाले ।
यसअघि भिक्टोरियाको बेन्डिगोमा भएको ‘बेन्डिगो इन्टरनेसनल च्यालेन्ज’मा पनि प्रफुल प्रिक्वार्टरफाइनलसम्म पुगेका थिए ।
