अष्ट्रेलियाका लीलाई विष्णु कटुवालले सोझो सेटमा हराए
कार्तिक १, सिड्नी, अष्ट्रेलिया । अष्ट्रेलियाको सिड्निस्थित ओलम्पिक पार्कमा जारी ‘सिड्नी इन्टरनेसनल’ ब्याडमिन्टन प्रतियोगितामा नेपालका विष्णु कटुवाल पनि अन्तिम ३२मा पुगेका छन् ।
बुधबार भएको अन्तिम ६४ अन्तर्गतको खेलमा अष्ट्रेलियाका विल्सन लीलाई सहजै पराजित गर्दै कटुवाल अर्को चरणका लागि छनाेट भएका हुन् । उनले गोमाथि २१-८ र २१-१४ सोझो सेटको जित निकाले ।
यसै प्रतियोगितामा भएका अघिल्ला खेलमा पनि नेपालका प्रिन्स दाहाल र प्रफुल महर्जनले अष्ट्रेलियाका खेलाडीमाथि जित निकालेका थिए ।
यसअघि भिक्टोरियाको बेन्डिगोमा भएको ‘बेन्डिगो इन्टरनेसनल च्यालेन्ज’मा कटुवाल पहिलो चरणबाटै बाहिरिएका थिए ।
