आज पनि बढ्यो सुनको मूल्य, तोलको कति पुग्यो ?
मंसिर १३, काठमाडौँ । लगातार तेस्रो दिन पनि सुनको मूल्य बढेको छ। आज नेपाली बजारमा १६ सय रुपैयाँले बढेर सुनको मूल्यमा नयाँ रेकर्ड कायम भएको छ। आज छापावाल सुनको मूल्य एक लाख १९ हजार ३ सय रुपैयाँ कायम भएको छ। अघिल्लो दिन मंगलबार मात्रै हालसम्मकै उच्च एक लाख १७ हजार ७ सय रुपैयाँमा कारोबार भएको थियो ।
तेजाबी सुन प्रतितोला एक लाख १८ हजार ७५० रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ। त्यसैगरी चाँदीको मूल्य पनि हालसम्मकै उच्च प्रतितोला १ हजार ५२० रुपैयाँमा कारोबार भइरहेको छ।
