एनएसएलमा : आज लुम्बिनी एफसी र बीरगंज युनाइटेड एवं ललितपुर सिटी र काठमाडौं रेजर्स प्रतिस्पर्धा गर्दै
पुस ७, काठमाडौं । नेपाल सुपर लिग (एनएसएल) २०२३ मा आज दुईओटा खेल हुँदै छन् । शनिबार पहिलो खेल बुटवल लुम्बिनी एफसी र विरगंग युनाइटेड एफसीबीचको खेल १ बजेबाट सुरु हुनेछ । यस्तै, दोस्रो खेलमा ललितपुर सिटी एफसी र काठमाडौं रेजर्स आमने सामने हुँदै छन् । खेल दशरथ रंगशालामा साँझ पाँचबजेबाट सुरु हुने छ ।
आज हुने खेलले झापा एफसीको प्लेअफ खेल्ने सम्भावनालाई टार्ने वा बलियो बनाउने निर्धारण गर्ने छ । शुक्रबार लिग चरणको आफ्नो अन्तिम खेलमा चितवन एफसीसँग २–० को पराजय भोगेपछि झापाको प्लेअफ सम्भावना कमजोर बनेको छ ।
शनिबार बुटवल र ललितपुर दुवै टिमले जित निकालेको खण्डमा मात्र झापाको प्लेअफको यात्रा सम्भव हुनेछ।
