प्रधानमन्त्री कप पुरुष राष्ट्रिय क्रिकेट प्रतियोगिता आजदेखि, पहिलो दिन तीन खेल
पुस २८, काठमाडौं । नेपाल क्रिकेट संघ (क्यान)ले आयोजना गरेकोप्रधानमन्त्री कप पुरुष राष्ट्रिय क्रिकेट प्रतियोगिता आजदेखि सुरु हुँदैछ। प्रतियोगिताको पहिलो दिन आज तीन खेल हुनेछन्। कीर्तिपुरस्थित टीयु मैदानमा हुने खेलमा बागमती प्रदेशले विभागीय टोली नेपाल पुलिस क्लबसँग प्रतिस्पर्धा गर्नेछ।
त्यस्तै, मुलपानी क्रिकेट मैदानमा आजै हुने अर्को खेलमा कोशी प्रदेश र मधेश प्रदेश आमनेसामने हुनेछन्। त्यसैगरी भैहरवामा लुम्बिनीले गण्डकी प्रदेशसँग घिड् खेल्ने तालिका छ। तीनै खेल बिहान ९ बजेपछि सुरु हुने छन्।
एकदिवसीय प्रतियोगिता राउन्ड रोविन लिगमा खेलाइनेछ । प्रतियोगितामा सात प्रदेश र तीन विभागीय गरी दश टोली सहभागी छन्।
