माघ २, काठमाडौँ । प्रधानमन्त्री कप राष्ट्रिय क्रिकेट प्रतियोगिताअन्तर्गत आज तीन वटा खेल हुने भएका छन् । कीर्तिपुर, मुलपानी र सिद्धार्थ रंगशालामा मंगलबार १–१ खेल हुँदैछन्। कीर्तिपुरस्थित त्रिभुवन विश्वविद्यालयको क्रिकेट मैदानमा कोशी प्रदेश र नेपाल पुलिस क्लबबीच खेल हुनेछ। खेल बिहान ९ : १५ बजे सुरु हुनेछ ।

अर्को खेल काठमाडौँको मुलपानी क्रिकेट मैदानमा बागमती प्रदेश र मधेस प्रदेशबीच बिहान ९ : १५ बजेबाट हुँदैछ भने रुपन्देहीको भैरहवास्थित सिद्धार्थ क्रिकेट रङ्गशालामा कर्णाली प्रदेश र सुदूरपश्चिम प्रदेशबीच विहान ९ बजेबाट खेल हुँदैछ ।

अहिलेसम्मको नतिजामा एपीएफ क्लब अंक तालिकाको शीर्ष स्थानमा छ। एपीएफले आफ्ना दुवै खेल जितेर चार अंक जोडेको हो । त्यस्तै, त्रिभुवन आर्मी क्लब दोश्रो, सुदूरपश्चिम प्रदेश तेश्रो, नेपाल पुलिस क्लब चौँथो, कर्णाली प्रदेश पाँचौँ, मधेश प्रदेश छैठौँ र लुम्बिनी प्रदेश सातौँ स्थानमा छन्।

दुई–दुई वटा खेल खेलेका गण्डकी, बागमती र कोशी प्रदेश हालसम्म निरन्तर पराजित छन्।